ការចិញ្ចឹមសត្វគឺជាការជួយសង្រ្គោះ ជីវិត និងបន្ថែមនូវភាពរីករាយដល់អ្នក

Click here to read the article in English.

តើអ្នកគិតចង់បន្ថែមសត្វចិញ្ចឹមទៅក្នុងសមាជិកគ្រួសាររបស់អ្នកមែនទេ? ប៉ុន្តែអ្នកប្រហែលជាមិនទាន់ច្បាស់ថាតើវានឹងជះឥទ្ធិពលដល់ ជីវិតប្រចាំថ្ងៃរបស់អ្នកយ៉ាងដូចម្តេច ឬអ្នកត្រូវការបញ្ចុះបញ្ចូលសមាជិកគ្រួសារ/ដៃគូរបស់អ្នកមែនទេ? មិនថាហេតុផលអ្វីដែលអាច ធ្វើអោយអ្នកស្ទាក់ស្ទើរនោះទេ ប៉ុន្តែកាទទួលរចិញ្ចឹមសត្វដែលបានជួយសង្គ្រោះប្រកបដោយទំនួលខុសត្រូវ គឺជាវិធីដ៏ល្អមួយដើម្បី ចាប់ផ្តើម។ ធ្វើអំពើល្អ និងបន្ថែមភាពរីករាយដល់ជីវិតរបស់អ្នកក្នុងពេលតែមួយ។ ស្តាប់ទៅពិតជាល្អណាស់មែនទេ?

នៅក្នុងអត្ថបទនេះ អង្គការសង្គ្រោះសត្វកម្ពុជា (ARC) បានពន្យល់អំពីការចិញ្ចឹមសត្វ អត្ថប្រយោជន៍សម្រាប់បុគ្កល គូស្វាមីភរិយា និងក្រុមគ្រួសារ ព្រមទាំងរឿងជោគជ័យបីយ៉ាងក្នុងការទទួលយកសត្វទៅចិញ្ចឹមជាបណ្តោះអាសន្នដើម្បីលើកទឹកចិត្តរបស់អ្នក។

តើអ្នកបានត្រៀមខ្កួនរួចរាល់ហើយឬនៅ? យើងប្រាកដណាស់ថានៅចុងបញ្ចប់នៃអត្ថបទនេះ អ្នកនឹងមិនគិតច្រើនអំពីការចូលរួមក្នុង សមាជិករបស់ ARC នៃគ្រួសារអ្នកចិញ្ចឹមសត្វដ៏អស្ចារ្យរបស់យើងទេ! ;-)

តើការចិញ្ចឹមសត្វគឺជាអ្វី?

ជាដំបូង ការចិញ្ចឹមសត្វមានន័យថា ការផ្តល់ការថែទាំជាបណ្ដោះអាសន្នដើម្បីជួយសង្គ្រោះជីវិតសត្វ រហូតដល់ពួកវាត្រូវបានគេ ទទួលយកទៅចិញ្ចឹមនិងផ្តល់ជម្រកជារៀងរហូតដល់ពួកវា។

នៅពេលដែលសត្វអនាថាមានសុខភាពល្អ ឬសត្វអនាថាដែលមានជំងឺ ត្រូវបានជួយសង្គ្រោះ ដោយបុគ្គលណាម្នាក់ហើយនាំយក ពួកវាទៅកាន់អង្គការសង្គ្រោះសត្វដូចជា ARC សត្វឆ្មានិងសត្វឆ្កែតូចធំទាំងនេះនិងទទួលបានការព្យាបាលថែទាំសុខភាពនៅក្នុង មជ្ឈមណ្ឌលនិងស្តារនីតិសម្បទារហូតដល់ពួកវាមានសុខភាពល្អគ្រប់គ្រាន់ ដើម្បីទៅរស់នៅក្នុងផ្ទះចិញ្ចឹមជាអចិន្ត្រៃយ៍របស់ពួកវា។

គ្រប់មជ្ឈមណ្គល់ដែលទទួលយកសត្វមកចិញ្ចឹមទាំងអស់ សុទ្ឋតែមានកំណត់ចំនួនសត្វដែលពួកគេអាចមើលថែទាំបានទៅតាមធន ធានដែលពួកគេមានដូចជា ទីកន្លែងសម្រាប់សត្វស្នាក់នៅ បុគ្គលិក មូលនិធិ និងបុគ្គលិកជំនាញជាដើម។ ដើម្បីរក្សាកន្លែងទំនេរ និងធនធានដែលចាំបាច់ជាច្រើនសម្រាប់មើលថែទាំសត្វដែលត្រូវបានគេនាំមក មជ្ឃមណ្ឌល់ក៏ត្រូវការជំនួយពីអ្នកស្ម័គ្រចិត្តផ្តល់នូវ ជម្រកជាបណ្តោះអាសន្នដល់ពួកវា។ ការជួយចិញ្ចឹមសត្វជាបណ្តោះអាសន្នគឺជាវិធីដ៏ល្អមួយក្នុងការជួយមជ្ឈមណ្ឌល់(កន្លែងចិញ្ចឹមសត្វ) ក៏ដូចជាបានផ្តល់ជម្រកដ៏កក់ក្តៅសម្រាប់សត្វឆ្មានិងសត្វឆ្កែអនាថាទាំងនេះ រហូតដល់ពួកវាមានអ្នកទទួលទៅរស់នៅក្នុងផ្ទះអចិន្ត្រៃយ៏។

ជាទូទៅ យើងអាចបែងចែករវាងការចិញ្ចឹមជាបណ្តោះអាសន្នរយៈពេលខ្លី និងរយៈពេលវែង៖

ការចិញ្ចឹមសត្វជាបណ្តោះអាសន្នរយៈពេលខ្លី (ចន្លោះពី២-៣សប្តាហ៍ទៅ២-៣ខែ)

កូនឆ្មា/កូនឆ្កែដែលនៅក្មេងពេកមិនទាន់ត្រៀមខ្លួនរួចរាល់សម្រាប់ការទៅរស់នៅក្នុងផ្ទះចិញ្ចឹមអចិន្រ្តៃយ៏
សត្វឆ្មា / សត្វឆ្កែដែលមានអារម្មណ៏តានតឹងខ្លាំងនៅអំឡុងពេលដែលស្នាក់នៅក្នុងមជ្ឈមណ្ឌល / ឬមិនចូលចិត្តអោយមានវត្តមានរបស់សត្វដទៃទេ
សត្វដែលតម្រូវអោយមានការបង្ហាត់បង្រៀនអោយមានទំនាក់ទំនងក្នុងសង្គម/អាកប្បកិរិយាពិសេសពីអ្នកចិញ្ចឹមសត្វដែលធ្លាប់មានបទពិសោធន៍ក្នុងការទទួលយកសត្វទៅចិញ្ចឹមជាបណ្តោះអាសន្ន
សត្វដែលត្រូវការការព្យាបាលរយៈពេលខ្លី ប៉ុន្តែមិនតម្រូវឱ្យសម្រាកព្យាបាលនៅក្នុងមន្ទីរពេទ្យ

ការចិញ្ចឹមសត្វរយៈពេលវែង (ចាប់ពី១ឆ្នាំឡើងទៅ)

សម្រាប់សត្វឆ្មា/សត្វឆ្កែដែលពេញវ័យ មានសុខភាពល្អ និងមានសត្វខ្លះតត្រូវអោយមានការមើលថែទាំជាពិសេស
ផ្ទះសម្រាប់ចូលនិវត្តន៍ (សម្រាប់សត្វដែលត្រូវការកន្លែងដែលមានសភាពស្ងប់ស្តាត់)

ដូច្នេះ តើអ្នកមានគិតថាការចិញ្ចឹមសត្វជាបណ្តោះអាសន្នមានលក្ខណះដូចគ្នានឹងការចិញ្ចឹមសត្វរយះពេលវែងឬទេ?

ភាពខុសគ្នារវាងការចិញ្ចឹមសត្វរយះពេលវែង និងចិញ្ចឹមសត្វជាបណ្តោះអាសន្ន

ការចិញ្ចឹមសត្វបណ្តោះអាសន្ន (Fostering) គឺជាការជួយសង្គ្រោះសត្វក្នុងរយះពេលដែលបានកំណត់មួយ (រយៈពេលខ្លី ឬរយៈពេលវែង)។ ដោយឡែកការចិញ្ចឹមសត្វជាអចិន្រ្តៃយ៏ (Adopting) គឺជាការប្តេជ្ញាចិត្តក្នុងការថែរក្សាជីវិតនិងសុខភាពរបស់សត្វ ប្រកបដោយទំនួលខុសត្រូវពេញមួយជីវិតរបស់ពួកវា។

តើនេះមានន័យថាក្រោយពេលផុតកំណត់នៃកិច្ចសន្យាចិញ្ចឹមជាបណ្តោះអាសន្ន ខ្ញុំត្រូវតែផ្តល់ជម្រកអចិន្រ្តៃយ៏ដល់ កូនឆ្មា/ឆ្មាពេញវ័យ/សត្វឆ្កែដែលបានចិញ្ចឹមជាបណ្តោះអាសន្ននោះមែនទេ? ជាការពិតណាស់ អ្នកមិនចាំបាច់បន្តចិញ្ចឹមពួកវាជារៀង រហូតទេ ប៉ុន្តែវាពិតជាល្អប្រសើខ្លាំងណាស់ប្រសិនបើអ្នកចូលចិត្តហើយអាចផ្តល់ជម្រកអចិន្រ្តៃយ៏ ប្រកបដោយទំនួលខុសត្រូវដល់ ពួកវាបាន។

ហេតុផលដ៏ល្អ៩យ៉ាងក្នុងការចិញ្ចឹមសត្វដែលបានជួយសង្គ្រោះជាបណ្តោះអាសន្ម

ក្នុងករណីដែលអ្នកនៅតែមានអារម្មណ៏ស្ទាក់ស្ទើ ខាងក្រោមនេះជាអត្ថប្រយោជន៍ដ៏អស្ចារ្យនៃការបន្ថែមសត្វចិញ្ចឹមទៅក្នុង គ្រួសាររបស់អ្នក៖

អ្នកកំពុងតែជួយសង្គ្រោះជីវិតដ៏មានតម្លៃពីការរស់នៅរងទុក្ខនៅតាមដងផ្លូវ និងគ្មានអ្នកមើលថែយកចិត្តទុកដាក់
ការចិញ្ចឹមសត្វជាបណ្តោះអាសន្នមានតម្លៃថោកជាងការទិញពីអ្នកបង្កាត់ពូជសត្វ
ការធ្វើអំពើល្អនេះធ្វើឱ្យអ្នកទទួលបានផលល្អជាច្រើនពីការជួយសង្គ្រោះជីវិតសត្វ
រួមចំណែកកាត់បន្ថយចំនួនសត្វអនាថា
ធ្វើអោយមជ្ឈមណ្ឌល់ចិញ្ចឹមសត្វដូច្នេះជាអង្គការសង្គ្រោះសត្វកម្ពុជា(ARC) មានកន្លែងទំនេរដើម្បីជួយសង្គ្រោះសត្វអនាថា ជាច្រើនផ្សេងទៀតដែលកំពុងតែត្រូវការជំនួយ
ប្រសិនបើអ្នកមានបញ្ហារណាមួយដែលមិនអាចទទួលយកសត្វចិញ្ចឹមជាអចិន្រ្តៃយ៏បានទេ អ្នកក៏មានឪកាសបង្កើនភាពរីករាយ ក្នុងអំឡុងពេលដែលមានសត្វចិញ្ចឹមក្នុងគ្រួសាររបស់អ្នកជាបណ្តោះអាសន្នបានដែរ ។
អ្នកអាចជួយបង្ហាត់បង្រៀន និងបន្សាំពួកវាជាមួយនិងមនុស្ស ដើម្បីបង្កើនសក្តានុពលនៃការស្វែងរកជម្រកជាអចិន្រ្តៃយ៏របស់ពួកវា។
ផ្តល់ឪកាសអោយសត្វឆ្កែបានជួបមនុស្សថ្មីនៅខណះពេលដែលអ្នកដើរបណ្តើរពួកវានៅទីសាធារណះ ឬចូលរួមចែករំលែក រឿងរ៉ាវរបស់សត្វឆ្មាចិញ្ចឹមរបស់អ្នកទៅកាន់មិត្តភក្តិជាដើម ។
ការទទួលចិញ្ចឹមសត្វជាបណ្តោះអាសន្នគឺជាវិធីដ៏ល្អមួយដើម្បី “សាកល្បង” ថាតើអ្នកបានត្រៀមខ្លួនរួចជាស្រេចដើម្បី ទទួលយកសត្វចិញ្ចឹមហើយឬនៅ

ស្ដាប់មើលទៅល្អណាស់! ដូច្នេះបើខ្ញុំសម្រេចចិញ្ចឹមសត្វជាបណ្តោះអាសន្ន តើខ្ញុំត្រូវមានទំនួលខុសត្រូវអ្វីខ្លះ?

ទំនួលខុសត្រូវរបស់អ្នកចិញ្ចឹមសត្វជាបណ្តោះអាសន្ន និងមជ្ឈមណ្ឌលសង្គ្រោះសត្វ

ម្វាស់សត្វចិញ្ចឹមត្រូវធ្វើការសហការជាមួយមជ្ឈមណ្ឌលសង្គ្រោះសត្វយ៉ាងជិតស្និទ្ឋ។ ខណៈពេលដែលមជ្ឈមណ្ឌលសង្គ្រោះសត្វ នីមួយៗមានភារកិច្ច និងសេវាកម្មខុសប្លែកគ្នាបន្តិចបន្តួច ។ ដូច្នេះហើយនៅអង្គការសង្គ្រោះសត្វកម្ពុជា (ARC) របស់យើងបាន បែងចែកការទទួលខុសត្រូវសម្រាប់ម្ចាស់សត្វចិញ្ចឹមដូចខាងក្រោម៖

ម្ចាស់សត្វចិញ្ចឹម

ជម្រកដែលមានទីធ្លាសមរម្យនិងផាសុខភាព
ផ្តល់ទឹកស្អាត និងអាហារដែលល្អសម្រាប់សុខភាព។
ផ្តល់ក្តីស្រឡាញ់និងការយកចិត្តទុកដាក់
នាំពួកវាលេង, ដើរកំសាន្ត និងធ្វើលំហាត់ប្រាណ
បង្ហាត់បង្រៀនពួកវាដោយប្រើ potty ឬ clicker ជាដើម។
នាំយកសត្វទៅកាន់ ARC ដើម្បីពិនិត្យ និងព្យាបាលសុខភាព

អង្គការសង្គ្រោះសត្វកម្ពុជា

ការព្យាបាលជាមូលដ្ឋានដោយឥតគិតថ្លៃ (វះកាត់គ្រៀវ ចាក់វ៉ាក់សាំងបង្ការជំងឺ និងចាក់ មីក្រូឈីប)
ការព្យាបាលវេជ្ជសាស្រ្តដែលចាំបាច់ដោយឥតគិតថ្លៃ (ប្រសិនបើចាំបាច់)
ពិនិត្យសុខភាពដោយឥតគិតថ្លៃ រួមទាំងការថែទាំសុខភាពមាត់ធ្មេញ
ការណែនាំអំពីសុខភាព និងអាកប្បកិរិយាសត្វដោយឥតគិតថ្លៃ
ផ្តល់កន្លែងស្នាក់នៅដល់សត្វដោយឥតគិតថ្លៃនៅពេលអ្នកកំពុងធ្វើដំណើរ (រហូតដល់ 3 សប្តាហ៍)

ដូច្នេះហើយតើត្រូវធ្វើអ្វីបន្ទាប់ទៀត?

របៀបដែលអាចក្លាយជាម្វាស់សត្វចិញ្ចឹមជាបណ្តោះអាសន្ន

ខណៈពេលដែលអង្គការសង្គ្រោះសត្វនីមួយៗមានគោលនយោបាយផ្ទាល់ខ្លួន ។ សម្រាប់អ្នកដែលចង់បានសត្វចិញ្ចឹមពីមជ្ឈមណ្ឌល ARC ចាំបាច់ត្រូវបំពេញតាមបែបបទដូចមានចែងនៅខាងក្រោមនេះ

យ៉ាងហោចណាស់មានអាយុ ២១ ឆ្នាំ។
មានពេលវេលា និងកន្លែងសមរម្យ
មានចំណេះដឹងជាមូលដ្ឋានអំពីតម្រូវការរបស់សត្វទៅតាមពូជសត្វនីមួយៗ
មានកិច្ចព្រមព្រៀងនិងមានសហប្រតិបត្តិការល្អជាមួយសមាជិកដទៃទៀតដែលរស់នៅក្រោមដំបូលផ្ទះតែមួយ

ការចិញ្ចឹមសត្វដែលបានជួយសង្គ្រោះ – រឿងជោគជ័យផ្ទាល់ខ្លួន

ឥឡូវនេះអ្នកបានយល់ដឹងថាអ្វីទៅជាការចិញ្ចឹមសត្វជាបណ្តោះអាសន្នរួចមកហើយ សូមស្វែងយល់ឱ្យកាន់តែច្បាស់បន្ថែមទៀតអំពីម្ចាស់សត្វចិញ្ចឹមមួយចំនួន។ តោះចូលរួមស្តាប់បទពិសោធន៏នៃការចិញ្ចឹមសត្វរបស់ ពួកគេដោយផ្ទាល់! ;-)

អ្វីដែលអ្នកអាចរំពឹងទុក នៅពេលដែលអ្នកទទួលយ កសត្វទៅចិញ្ចឹមជាបណ្ណោះអាសន្ន

ខាងក្រោមនេះជាអ្វី ដែលអ្នកអាចរំពឹងទុកជាមុននៅពេលដែលអ្នកទទួលយកនូវសមាជិកថ្មីជាសត្វ និងអ្វីដែលអ្នកអាចធ្វើបាន ដើម្បីធ្វើឱ្យមានភាពងាយស្រួលសម្រាប់អ្នករាល់គ្នា៖

រយៈពេល 3 ថ្ងៃដំបូង

សត្វរបស់អ្នកអាចមានអារម្មណ៍ភ័យខ្លាច ឬមិនស្ងប់ ហើយពួកគេក៏អាចបដិសេធមិនព្រមញ្ញាំចំណី ឬផឹកទឹក ឬបញ្ចេញនូវសកម្មភាពផ្សេងៗ ដើម្បីសាកចិត្តអ្នកនោះឡើយ
អ្នកគួរផ្តល់ឱ្យពួកគេនូវពេលវេលាផ្ទាល់ខ្លួនក្នុងការសម្របទៅនឹងបរិយាកាសថ្មី និងរក្សាភាពស្ងប់ស្ងាត់ និងការអត់ធ្មត់ជាមួយពួកគេ ក៏ដូចជាការបង្កើតនូវទម្លាប់ផ្សេងៗ (ការពង្រឹងបែបវិជ្ជមាន)

ក្រោយពេល 3 សប្តាហ៍

សត្វរបស់អ្នកអាចនឹងកំពុងតែសម្របខ្លួន ចាប់ផ្តើមទុកចិត្តអ្នក ក៏ដូចជាចាប់ផ្តើមបង្ហាញអត្តចរិតរបស់ពួកគេ និងរៀនពីវិន័យ ឬទម្លាប់ក្នុងផ្ទះផ្សេងៗ
អ្នកអាចចាប់ផ្តើមបង្រៀនពួកគេនូវពាក្យបញ្ជាជាមូលដ្ឋាន និងវិន័យក្នុងផ្ទះ តែអ្នកត្រូវប្រកាន់ខ្ជាប់ទៅនឹងទម្លាប់

ក្រោយពេល 3 ខែ

សត្វរបស់អ្នកនឹងចាប់ផ្តើមមានអារម្មណ៍ស្កប់ និងមានសុវត្ថិភាព ហើយយល់ពីវិន័យក្នុងផ្ទះ។ ពួកគេក៏ចាប់ផ្តើមអាចសម្របខ្លួនទៅនឹងផ្ទះរបស់ពួកគេបានយ៉ាងពេញលេញ និងបង្កើតចំណងជាមួយសមាជិកគ្រួសារថ្មីរបស់ពួកគេ
ហើយអ្នកវិញគួរតែប្រកាន់ខ្ជាប់នូវភាពអត់ធ្មត់ និងផ្តល់សេចក្តីស្រលាញ់ដល់ពួកគេ

នៅ ARC ពួកយើងមិនទុកឱ្យអ្នកនៅតែម្នាក់ឯងនោះទេ។ ជាដំបូង ពួកយើងជួយលោកអ្នកក្នុងការជ្រើសរើសសត្វចិញ្ចឹមដែលសាកសមបំផុតទៅនឹងគ្រួសារ របៀបរស់នៅ និងបរិស្ថានរស់នៅរបស់អ្នក។ បន្ទាប់មក ពួកយើងជួយលោកអ្នកជាមួយនឹងគន្លឹះ និងដំបូន្មានផ្សេងៗ ក្នុងករណីដែលអ្នកជួបប្រទះបញ្ហាប្រឈមណាមួយ។

មានអ្វីបន្ទាប់?

សូមចូលរួមជាមួយសមាជិកនៃម្ចាស់សត្វចិញ្ចឹមដ៏ឆ្នើមរបស់យើងក្នុងថ្ងៃនេះ (ARC)!

សូមផ្ងើសាររមកកាន់យើងខ្ញុំតាមរយៈ Facebook: www.facebook.com/animalrescuecambodia
ទូរស័ព្ទ/WhatsApp/Telegram យើងខ្ញុំ៖ ០១២ ៣៤០ ១១៤ (ភាសាខ្មែរ អង់គ្លេស)
អ៊ីមែលមកយើងខ្ញុំ៖ info@ar-cambodia.com
ស្វែងយល់បន្ថែម៖ https://ar-cambodia.com/adoption-khmer

ឬទៅកាន់ដៃគូសហការរបស់យើងនៅក្រសួងឆ្មា(ការហ្វេឆ្មា)៖ Rescue Cat Cafe & Adoption Center ដើម្បីទទួលបានកាហ្វេ និងអាហារសម្រន់ដែលមានរស់ជាតិឈ្ងុយឆ្ងាញ់ ខណៈពេលដែល “ប្រឡែងលេង” ជាមួយឆ្មាសម្រាប់ការចិញ្ចឹមជាអចិន្រ្តៃយ៏របស់ យើង។